സ്നേഹവീട് ഉദ്ഘാടനം

പെരിയ: പെരിയ ഗവ: ഹയര്‍ സെക്കണ്ടറി സ്ക്കൂളിലെ ആറാം ക്ലാസ്സില്‍ പഠിക്കുന്ന ചിന്നുമോള്‍ക്ക് സ്ക്കളിലെ കുട്ടികള്‍ നിര്‍മ്മിച്ചു നല്‍കുന്ന സ്നേഹവീടിന്റെ താക്കോല്‍ ദാനം ആഘോഷപൂര്‍ണ്ണമായ അന്തരീക്ഷത്തില്‍ നടന്നു.3 ലക്ഷത്തോളം രൂപ ചെലവാക്കി നിര്‍മ്മിച്ച വീടിന്റെ താക്കോല്‍ദാനകര്‍മ്മം നിര്‍വഹിച്ചത് സ്ക്കൂളിലെ 5 മുതല്‍ 12 വരെ ക്ലാസിലെ ലീഡര്‍മാര്‍ ചേര്‍ന്നാണ്. സ്ക്കൂള്‍ മള്‍ട്ടിപര്‍പ്പസ് ഹാളില്‍ വെച്ച് നടന്ന ചടങ്ങിന്റെ പൂര്‍ണ്ണ നിയന്ത്രണം കുട്ടികള്‍ക്ക് തന്നെയായിരുന്നു. ഗൃഹപ്രവേശന ചടങ്ങിന് ശേഷം സ്ക്കൂളിലെ മുഴുവന്‍ കുട്ടികള്‍ക്കും പാല്‍പായസവിതരണം നടത്തി.